
第一世噶玛巴教言集1KM4རིན་པོ་ཆེའི་རྣམ་ཐར་ཚིགས་བཅད་མ་བཞུགས་སོ། །
1-2-43b
༄༅། །རིན་པོ་ཆེའི་རྣམ་ཐར་ཚིགས་བཅད་མ་བཞུགས་སོ། །
༄༅། །རིན་པོ་ཆེའི་རྣམ་ཐར་ཚིགས་བཅད་མ་བཞུགས་སོ། །མེ་ཤེལ་དཀྱིལ་འཁོར་རྒྱུན་དུ་འོད་འབར་ཀྱང་། །བྱང་ལྟས་ཕུག་ན་མཐོང་མེད་རྟག་པར་ནག །དྲོད་གཤེར་འཛོམ་པའི་ལྗོན་པ་མྱུར་དུ་འཕེལ། །དེ་བཞིན་སྐལ་མེད་སྣོད་ལྡན་ཤེས་པར་བྱོས། །སྡོམ་ནི་ཤར་གླིང་དུ་དགེ་སློང་ཆེན་པོ་དང་། །གླིང་ཕྲན་དྷ་རི་པུ་རས་སེམས་བསྐྱེད་པ། །ཨུ་རྒྱན་དུ་མགར་བ་རྣལ་འབྱོར་པ་ཨུ་ཏི་ཏ། །ནུབ་བ་ལང་སྤྱོད་དུ་དགེ་སློང་དྷརྨ་ཤྲཱི། །ནུབ་གླིང་དུ་གླང་ཆེན་དུ་སྐྱེས་ནས་རྒྱལ་པོ་བཏུལ། །ཀ་ལིང་ཀར་རྒྱལ་པོ་ཟླ་བ་རྣམ་པར་གནོན་པར། །ཆུ་ཀླུང་པད་མས་རྒྱན་པ་དགེ་སློང་མཛད། །ཤར་གླིང་དུ་རྒྱལ་པོའི་བུ་མོ་ཤེས་རབ་བཟང་དང་། །ཤར་གླིང་དུ་དགེ་སློང་རཏྣ་ཤཱི་ལའོ། །ཏྲེ་ཡུལ་དུ་ཡབ་ཡུམ་སྲས་དགེ་འཕེལ་དང་། །བསྒོམ་པ་རྒད་པོ་ལ་ལྷ་མོའི་མཐུ་ཞུས། །བླ་མ་བཻ་རོས་དཔལ་འཛིན་གདམས་པ་གནང་། །དཔལ་ལྡན་ལྷ་མོ་དངོས་སུ་ཞལ་མཐོང་། །དགྲ་ཤི་བའི་གཏང་རག་རྟ་རྒྱུག་བྱས། །ཀ་བྲག་མཆོག་བླ་སེང་གེ་གྲགས་གནས་སུ་རབ་ཏུ་བྱུང་། །ཀྲ་ར་བ་ལ་དམ་ཆོས་གསན། །སྟོད་ལུང་ཕུའི་རྒྱ་དམར་དང་ཕྱུ་པའི་སྤྱན་སྔར་བྱོན། །ཤར་བ་འཕན་ཡུལ་ཤེས་རབ་རྡོ་རྗེ་པ་ཡི་མན་ངག་ཐོབ། །ས་ཕུག་པ་ཡེ་ཤེས་བློ་གྲོས་
1-2-44a
༄༅། །ལ་བསྙེན་པར་རྫོགས། །དཔལ་ཆེན་རྒ་ལོ་དང་ཨ་སེང་བསྟེན། །ཤར་བ་གླིང་དུ་བསྒོམ་ཚུལ་སྒྲོལ་མ་དཀར་མོར་གཟིགས། །བླ་མ་སྒམ་པོར་ལྷ་རྗེ་དང་བསྒོམ་ཆུང་དང་མཇལ། །རྗེ་བཙུན་ནམ་མཁའ་གསལ་ལ་རས་ཆུང་མན་ངག་ཞུས། །འུ་ཡུག་སྤེན་ཕུག་རྒྱབ་མོ་སྤང་ཁང་པ་དང་མཇལ། །གཤེན་པ་དང་རལ་ལྕགས་གཉིས་དངོས་སུ་བསྟེན། །འོལ་ཀར་བསྒོམ་དུས་སུ་མཁའ་འགྲོ་མས་འཚོ་བ་དྲངས། །ལྷ་རྗེ་དགྱེས་པ་རྡོ་རྗེར་མཐོང་༑ ༑མོན་དུ་ཌཱ་ཀིས་འཚོ་བ་དྲངས་སྟག་གིས་བསྐོར་བ་བྱས། །ཕག་རི་ཁར་ནི་ཐོག་བཟློགས་པ། །ལ་སྟོད་དུ་དགེ་ཚུལ་སྤུན་གཉིས་དང་མཇལ། །བྱ་བཟངས་བྲག་དུ་བསྒོམས་པས་ལྷག་མཐོང་གི་ཡོན་ཏན་འཕེལ། །ཤ་མེད་ཇོ་མོ་གངས་དཀར་ལ་གངས་དཀར་བསྙེན་བཀུར་བགྱིས། །སྙེ་མོར་ཉེ་དྲུང་གི་ལམ་དུ་མཁའ་འགྲོས་འཚོ་བ་དྲངས་མཆོད། །བླ་མ་སྙེ་མོ་མདར་རྫོགས་པའི་གདམས་པ་ཞུས། །རྫོང་ཆུང་དུ་དཔོན་སློབ་གསུམ་གྱིས་ལྷ་རྗེ་ནམ་ར་གཟིགས། །གྲུ་བཞིར་ཕག་མོ་ཞལ་གཉིས་མ་གཟིགས། །ཡང་དེར་སྦྲུལ་གྱིས་མ་སྣད་པར་མིད་པ་རྨིས། །ངོས་མཚུར་གྱི་བཟངས་སུ་རིང་བསྲེལ་མང་པོ་བྱོན། །བྱང་ལམ་དུ་རོའི་ཌཱ་མ་རུ་ཕྱིར་ཨཽ་རྒྱན་དུ་བྱོན། །གནས་ནང་དུ་དགྱེས་རྡོར་ལྷ་དགུ་གཟིགས། །ཡང་དེར་དགྱེས་རྡོར་ཡབ་ཡུམ་མཐོང་། །པོམ་ཕུག་ཕག་མོ་དམར་མོ་མཁའ་སྤྱོད་མ། །སྒྲོལ་མ་དཀར་མོ་དེ་བཞིན་ནོ། །རྒྱ་གར་རྡོ་རྗེ་གདན་དུ་བསྒོམ་ཚུལ་དང་མཇལ་བ་རྨིས། 
1-2-44b
ཕག་མོ་ཕྱག་སྤྱན་སྟོང་ཕྲག་མ་གཟིགས། །ལྷ་རྗེ་གཙོ་འཁོར་གསུམ་པ་དང་གཟིགས། །བདག་མེད་ལྷ་མོ་བཅོ་ལྔ་མ་གཟིགས། །སློབ་དཔོན་རྡོ་རྗེ་དྲིལ་བུ་པ་དང་མཇལ། །འཕགས་པ་མི་གཡོ་བ་ཡུམ་དང་བཅས་པ་གཟིགས༑ ༑དགའ་ལྡན་ན་བྱམས་པས་ཆོས་གསུངས་པ་གསན། །བདུད་རྩི་འཁྱིལ་པ་ཡབ་དང་ཡུམ་གཟིགས། །མཁའ་འགྲོ་མེ་ཏོག་ཕྲེང་བ་སྦྲེང་། །སངས་རྒྱས་དང་བྱང་ཆུབ་སེམས་དཔའ་མང་པོ་གཟིགས། །བྱ་སྐྱིབས་ཀྱི་བྲག་ལ་ལྷ་རྗེ་དང་ཕྲད། །སྒྱུ་འཕྲུལ་ཆེན་མོ་ལྷ་ལྔ་འཁོར་དང་བཅས། །འཆི་རྟགས་བཟློག་མཁའ་འགྲོ་པི་ཝང་སྒྲེང་བའི་སྒྲ། །རབ་གནས་ཁ་སར་པཱ་ཎི་མེ་ཏོག་རང་འཐོར་བ་གཟིགས། །ལ་དྲུང་རབ་གནས་ལྷ་མང་པོ་གཟིགས་ཤིན་ཏུ་ལེགས། །གནས་ནང་མགོན་པོ་གྲི་གུག་འཛིན་པ་གཟིགས། །ཡང་དེར་རྗེ་བཙུན་མིད་ལ་གཟིགས། །རྨི་ལམ་དུ་ཁ་ཆེ་གྲིབ་གཏན་ངོ་མཚར་བ་གཟིགས། །སྐམ་པོར་ལོ་བཅོ་བརྒྱད་བཞུགས་དུས་བཟའ་ཡི་བར་ཆད་བཟློགས། །རྡོ་རྗེ་དབུས་སུ་བཞུད་པ་དཔལ་བརྩེགས་ཀྱིས་ཤོལ་བཏབ་བྲན་དུ་བཀོལ། །དཔལ་མཆོག་རྟ་མགྲིན་ལྷ་ལྔ་པ་གཟིགས། །དབུས་སུ་འཚོལ་པའི་འཁྲུག་པ་བསྡུམས། །ལྷ་ལུང་དུ་ཡི་གེ་དྲུག་པ་དང་གཟིགས་༑ ༑བྱ་ལོར་རྒྱ་གར་དུ་ཚོགས་འཁོར་ལ་བྱོན། །ལ་སྟོད་ཐང་ཆུང་དུ་སྤྲུལ་པ་སྟོན་པས་མཐོང་། །ཕག་མོ་དོན་གྲུབ་མ་ཞལ་གཟིགས། །ཕྱག་བརྒྱད་སྒྲོལ་མ་གཟིགས་པ་དང་། །མཁའ་འགྲོ་རིགས་བཞིས་མཆོད་
1-2-45a
༄༅། །པ་ཕུལ། །དགྱེས་རྡོར་ལྷ་མོ་བརྒྱད་ཀྱིས་བསྐོར། །སྨན་ལྷ་བཻ་ཌཱུརྱ་འོད་གཟིགས། །དུས་གསུམ་སངས་རྒྱས་བསྐྱེད་ཡུམ་མཇལ། །བྷུ་ཏ་ནར་ནི་རྒྱལ་པོ་ཨིནྡྲ་བོ་དྷི་དང་མཇལ། །མདོ་བོར་རྡོ་རྗེ་ཕག་ཞལ་བཞི་གཟིགས། །བཀའ་རྒྱ་ལན་གསུམ་དུ་བཏབ་པ་དང་། །རི་བོ་རྩེ་ལྔར་བཻ་རོ་རྨི་ལམ་དུ་མཐོང་། །སྒྲོལ་མ་ཆེན་མོ་ཕྱག་གཉིས་མ་དང་ཞལ་སོགས་མཇལ། །འཁོར་ལོ་བདེ་མཆོག་དཀྱིལ་འཁོར་གཟིགས་རོ། །ཐུགས་རྗེ་ཆེན་པོ་ཕྱག་ཞལ་བཅུ་གཅིག་པ་སྤྱན་སྟོང་། །འཁོར་ལོ་སྡོམ་པ་ལྷན་སྐྱེས་ཡབ་དང་ཡུམ། །དབང་བསྐུར་མཛད་པས་མཐོང་སྣང་མང་པོ་བྱུང་། །གསང་བ་འདུས་པའི་དཀྱིལ་འཁོར་གཟིགས་དང་། །རྡོ་རྗེ་ཕག་མོ་ཞལ་གཅིག་མ། །དཔལ་ལྡན་དགྲ་ནག་གཤིན་རྗེ་གཤེད་དཀྱིལ་འཁོར་ཏེ། །ལྷ་མོ་ཀུ་རུ་ཀུལླེ་གཟིགས། །དཔལ་གྱི་རི་ལ་ས་ར་ཧ། །མངའ་བདག་མཻ་ཏྲི་གདམས་པ་སྨྲ། །རྨི་ལམ་དྭགས་ལྷ་སྒམ་པོ་གསལ་བར་གཟིགས༑ ༑སྤྲུལ་པ་ལན་ཏེའི་རྣལ་འབྱོར་པ། །མངའ་རིས་གནས་ཀྱི་དགེ་སློང་དང་། །རྒྱ་གར་ཤར་ཕྱོགས་སྤྲུལ་པ་རྣལ་འབྱོར་པ། །ཤར་ཕྱོགས་གླིང་ན་རྒྱལ་པོའི་སྐུ། །ཕག་མོ་དཔག་ཏུ་མེད་པ་གཟིགས། །མདོ་བོའི་མདུན་ནགས་སྒྲོལ་མས་གང་། །འདས་རྟགས་སུ་མཁའ་འགྲོས་མ་བྱུང་གོང་དུ་མཁྱེན། །གདུང་བཞུ་ཆོ་འཕྲུལ་སྣ་ཚོགས་བྱུང་། །མཆོད་རྟེན་འབྲས་སྤུངས་བྱིན་རླབས་ཆེ། །དེང་སང་རྒྱ་གར་ཀཱརྟིར་བཞུགས། 
1-2-45b
དེ་རྗེས་ལྷོ་བྲག་གྲུབ་པར་བྱོན། །སླར་ཡང་ཤར་ཕྱོགས་མཆོད་རྟེན་བདུན། །བྱམས་པའི་རྗེས་ཀྱི་སངས་རྒྱས་སེང་གེ་ཡིན། །བྱ་རྐང་རི་ལ་བསྒོམ་ཆུང་སྐྱེས། །ཀོང་ཀ་ན་ན་བསྒོམ་ཚུལ་འཁྲུངས། །པད་མ་ཅན་གྲོང་ལྷ་རྗེ་བལྟམས། །དེ་ལ་སྤྲུལ་པ་གསུམ་ཀྱང་ཡོད། །མཐར་ནི་སྟོང་གི་འཇིག་རྟེན་དུ་དུ་སངས་རྒྱ་གསུང་། །དཔལ་དུས་གསུམ་མཁྱེན་པའི་རྣམ་པར་ཐར་པའོ། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག། །།༈ གང་གི་རང་བཞིན་མཁྱེན་བརྩེའི་ཉི་ཟླ་འབར། །རྡུལ་སྙེད་ལུས་ཀྱི་སྤྱི་བོས་དེ་བཏུད་ནས། །འདས་དུས་བཅུ་དང་ད་ལྟར་སྤྲུལ་པ་ལྔ། །མ་འོངས་གསུམ་སོགས་བརྒྱ་རྩ་བརྒྱད་པ་བསྡུས། །འདིར་སྨྲས་པ། ཤར་གླིང་དགེ་སློང་ཆེན་པོ་དང་། །དྷ་རི་པུ་རས་སེམས་བསྐྱེད་པ། །ཨུ་རྒྱན་མགར་བ་ཨུ་ཏི་ཏ། །བ་ལང་སྤྱོད་དུ་དྷརྨ་ཤྲཱི། །ནུབ་གླིང་གླང་ཆེན་རྒྱལ་པོ་བཏུལ། །ཀ་ལིང་རྒྱལ་པོ་ཟླ་བ་གནོན། །ཆུ་ཀླུང་པད་བརྒྱན་དགེ་སློང་མཛད། །ཤར་གླིང་བུ་མོ་ཤེས་རབ་བཟང་། །ཤར་གླིང་རཏྣ་ཤཱི་ལའོ། །ཏྲི་ཤོར་ཡབ་ཡུམ་དགེ་འཕེལ་དང་། །བསྒོམ་པ་རྒད་པོ་ལ་མཐུ་ཞུས། །བླ་མ་བཻ་རོས་གདམས་པ་གནང་། །དཔལ་ལྡན་ལྷ་མོ་དངོས་སུ་མཐོང་། །དགྲ་ཤི་གཏང་རག་རྟ་རྒྱུག་བྱས། །ཀ་བྲག་གནས་སུ་རབ་གནས་བྱོན། །ཀྲ་ར་པ་ལ་ཆོས་རྣམས་གསན། །སྟོད་ལུང་རྒྱ་དམར་སྤྱན་སྔར་བྱོན། །ཤར་བ་པའི་མན་ངག་ཐོབ། །ས་ཕུག་པ་ལ་
1-2-46a
༄༅། །བསྙེན་རྫོགས་མཛད། །དཔལ་ཆེན་རྒ་ལོ་ཨ་སིང་བསྟེན། །བསྒོམ་ཚུལ་སྒྲོམ་མ་དཀར་མོར་གཟིགས། །བླ་མ་ལྷ་རྗེ་སྒོམ་ཆུང་མཇལ། །རྗེ་བཙུན་རས་ཆུང་གདམས་ངག་ཞུས། །སྤེན་ཕུག་སྤང་ཁང་པ་དང་མཇལ། །གཤེན་དང་རལ་ལྗགས་དངོས་སུ་བསྟེན། །འོལ་ཀར་མཁའ་འགྲོས་འཚོ་བ་དྲངས། །ལྷ་རྗེ་དགྱེས་པ་རྡོ་རྗེར་གཟིགས། །མོན་དུ་སྟག་གིས་བསྐོར་བ་བྱས། །ཕག་རི་ཁར་ནི་ཐོག་བཟློགས་པ༑ ༑ལ་སྟོད་དགེ་ཚུལ་སྤུན་དང་མཇལ། །བྱ་བཟང་བསྒོམས་པས་ཡོན་ཏན་འཕེལ། །ཤ་མེད་གངས་དཀར་བསྙེན་བཀུར་བགྱིས། །སྙེ་མོར་ལམ་དུ་མཁའ་འགྲོས་མཆོད། །རྫོགས་པའི་སྤྱན་སྔར་གདམས་ངག་ཞུས༑ ༑རྫོང་ཆུང་གསུམ་གྱིས་ལྷ་རྗེ་གཟིགས། །གྲུ་བཞིར་ཕག་མོ་ཞལ་བཞི་མ། །ཡང་དེར་སྦྲུལ་གྱིས་མིད་པ་རྨིས། །ངོས་བཟང་རིང་བསྲེལ་མང་པོ་བྱོན། །བྱང་ལམ་ཌཱ་མ་རུ་ཕྱིར་འབྲངས། །གནས་ནང་དགྱེས་རྡོར་ལྷ་དགུ་གཟིགས། །ཡང་དེར་དགྱེས་རྡོར་ཡབ་ཡུམ་མཐོང་། །པོམ་ཕུག་ཕག་མོ་མཁའ་སྤྱོད་མ། །སྒྲོལ་མ་དཀར་མོ་དེ་བཞིན་ནོ། །རྡོ་རྗེ་གདན་དུ་སྒོམ་ཚུལ་མཇལ། །ཕག་མོ་ཕྱག་སྤྱན་སྟོང་ཕྲག་མ། ལྷ་རྗེ་གཙོ་འཁོར་གསུམ་པ་དང་། །བདག་མེད་ལྷ་མོ་བཅོ་ལྔ་མ། །སློབ་དཔོན་རྡོ་རྗེ་དྲིལ་བུ་པ། །འཕགས་པ་མི་གཡོ་ཡབ་ཡུམ་བཅས། །དགའ་ལྡན་བྱམས་པས་ཆོས་གསུངས་གསན། །བདུད་རྩི་འཁྱིལ་བ་
1-2-46b
ཡབ་ཡུམ་དང་། །མཁའ་འགྲོ་མེ་ཏོག་ཕྲེང་བ་སྦྲེང་། །སངས་རྒྱས་བྱང་ཆུབ་སེམས་གཟིགས་མ། །བྱ་སྐྱིབས་བྲག་ལ་ལྷ་རྗེ་མཇལ། །སྒྱུ་འཕྲུལ་ཆེན་མོའི་འཁོར་དང་བཅས། །མཁའ་འགྲོ་པི་ཝང་སྦྲེང་བའི་སྒྲ། རབ་གནས་མེ་ཏོག་རང་འཐོར་གྱུར། །ལ་དྲུང་རབ་གནས་ཤིན་ཏུ་ལེགས། །གནས་ནང་མགོན་པོ་གྲི་གུག་འཛིན། །ཡང་དེར་རྗེ་བཙུན་མིད་ལ་གཟིགས། །ཁ་ཆེ་གྲིབ་གཏན་ངོ་མཚར་བ། །སྐམ་པོར་གཟའ་ཡི་བར་ཆད་བཟློགས། །རྡོ་རྗེ་དཔལ་བརྩེགས་བྲན་དུ་བཀོལ། ཁྲོ་མཆོག་རྟ་མགྲིན་ལྷ་ལྔ་པ། །མདོ་ཁམས་སྒང་སྟོད་གཞན་དོན་མཛད། །ལྷ་ལུང་ཡི་གེ་དྲུག་པ་དང་། །བྱ་ལོར་རྒྱ་གར་ཚོགས་ལ་བྱོན། །ལ་སྟོད་ཐང་ཆུང་སྟོན་པས་མཐོང་། །དེར་ཡང་མགར་བས་སེམས་བསྐྱེད་ཞུས། །དེ་རྗེས་མཁན་བུ་ཡིན་པར་ངེས། །ལུས་འཕགས་མེ་ཏོག་ཤེས་རབ་བཟང་། །བྲམ་ཟེ་རྒྱལ་བའི་ཤེས་རབ་ཡིན། །འདིར་སྐྱེས་མི་ཉག་ཡུལ་དུ་བསྟན། །འཚལ་པའི་འཁྲུག་པ་བསྡུམས་པར་བྱས། །བྷུ་ཏ་ནར་ནི་རྒྱལ་པོ་མཇལ། །མཚུར་ཕུར་རྡོ་རྗེ་ཕག་ཞལ་བཞི། །བཀའ་རྒྱས་ལན་གསུམ་བཏབ་པའོ། །རི་བོ་རྩེ་ལྔར་བཻ་རོ་མཐོང་། །སྒྲོལ་མ་ཆེ་དང་ཞལ་དངོས་མཇལ། །འཁོར་ལོ་བདེ་མཆོག་དཀྱིལ་འཁོར་རོ། །ཐུགས་རྗེ་ཆེན་པོ་ཕྱག་སྤྱན་སྟོང་། །འཁོར་ལོ་སྡོམ་པ་ཡབ་ཡུམ་དང་། །དབང་སྐུར་མཛད་ཚེ་མཐོང་སྣང་མང་། །གསང་བ་འདུས་པའི་དཀྱིལ་
1-2-47a
༄༅། །འཁོར་དང་། །རྡོ་རྗེ་ཕག་མོ་ཞལ་གཅིག་མ། །དཔལ་ཆེན་དགྲ་ནག་དཀྱིལ་འཁོར་ཏེ། །བསྒོམ་སྐྱོན་སེལ་ཚེ་རེ་རེ་བྱོན། །དཔལ་གྱི་རི་ལ་ས་ར་ཧ། །མངའ་བདག་མཻ་ཏྲིས་གདམས་པ་སྨྲ། །རྨི་ལམ་སྒམ་པོ་གསལ་བར་གཟིགས། །སྤྲུལ་པ་ལན་ཏེའི་རྣལ་འབྱོར་པ། །མངའ་རིས་གནས་ཀྱི་དགེ་སློང་དང་། །རྒྱ་གར་ཤར་ཕྱོགས་རྣལ་འབྱོར་པ། །ཤར་ཕྱོགས་གླིང་ན་རྒྱལ་པོའི་སྐུ། །འདས་རྟགས་མཁའ་འགྲོས་གོང་དུ་མཁྱེན། །སློབ་མ་རྣམས་ལ་ཞལ་ཆེམས་བསྟན། །སྐུ་གཤེགས་ཆོ་འཕྲུལ་དུ་མ་བྱུང་། །གདུང་བཞུས་སྐྱེ་བོ་ཤིན་ཏུ་དད། །མཆོད་རྟེན་འབྲས་སྤུངས་བྱིན་རླབས་ཆེ། །དེང་སང་རྒྱ་གར་ཀཱརྟིར་བཞུགས། །དེ་རྗེས་ལྷོ་བྲག་གྲུབ་པར་འབྱོན། །སླར་ཡང་ཤར་ཕྱོགས་མཆོད་རྟེན་བདུན། །བྱམས་པའི་རྗེས་ཀྱི་སེང་གེ་ཡིན། །བྱ་རྐང་རི་ལ་བསྒོམ་ཆུང་སྐྱེས། །ཀོངྐ་ན་ཡུལ་བསྒོམ་ཚུལ་བཞུགས། །པདྨ་ཅན་ཡུལ་ལྷ་རྗེ་བལྟམས༑ ༑དེ་ལ་སྤྲུལ་པ་གསུམ་ཡོད་ཅིང་། །མཐར་ནི་སྟོང་དུ་སངས་རྒྱས་ཞེས། །དཔལ་ལྡན་ཆོས་ཀྱི་གྲགས་པས་གསུངས། །སེམས་དཔའ་ཆེན་པོའི་སྐྱེས་རབས་དང་། །མཛད་ཚུལ་བསྡུས་པ་བརྒྱ་རྩ་འདི། །ཉིད་ཀྱིས་བྱིན་རླབས་གནས་མཆོག་ཏུ། །དད་གུས་བསྐྱེད་པའི་ཆེད་དུ་བྲིས། །དཔལ་ལྡན་དུས་གསུམ་མཁྱེན་པའི་སྐྱེས་རབས་དང་མཛད་ཚུལ་ངོ་མཚར་དུ་གྱུར་པ་དཔག་ཏུ་མེད་པ་གཟིགས་པ་རྣམས་ནི་བརྗོད་
1-2-47b
པར་མི་ནུས། འདིར་ཡང་སྐལ་བ་དང་ལྡན་པ་རྣམས་ཀྱི་མོས་གུས་གསོ་བའི་ཕྱིར་ཅུང་ཟད་ཅིག་མདོར་བསྡུས་ནས། ཤཱཀྱའི་སྲས་ཀྱི་དགེ་སྦྱོང་སྒང་ལོས་མཚུར་ཕུར་བྲིས་པའོ།། །།


目录
རིན་པོ་ཆེའི་རྣམ་ཐར་ཚིགས་བཅད་མ་བཞུགས་སོ། །